وفاقی حکومت اسپیشل سیکرٹری اسٹیبلیشمنٹ ڈویژن وسیم مختار کو چیئرمین نیپرا لگانے کی منظوری دیدی۔
پاکستان ایڈمنسٹریٹو سروس کے وسیم مختار اسٹیبلیشمنٹ ڈویژن میں اسپیشل سیکرٹری ہیں، وسیم مختار پیپکو اور سینٹرل پاور پرچیزنگ ایجنسی کے ایم ڈی بھی رہ چکے ہیں۔
ذرائع کا کہنا ہے کہ وفاقی کابینہ سے سرکولیشن کے ذریعے وسیم مختار کی بطور چیئرمین نیپرا تعیناتی کی منظوری دے دی ہے۔
ذرائع کا بتانا ہے کہ چیئرمین نیپرا کی تعیناتی کے لےی سلیکشن کمیٹی نے تین ناموں میں وسیم مختار کو سر فہرست رکھا ہے، باقی دو ناموں میں سابق ایم ڈی سی پی پی اے عابد لودھی اور کامران ریاض شامل تھے۔
حکومتی ذرائع کے مطابق وسیم مختار نے انٹرویو میں سب سے زیادہ 78 نمبرز لیے جبکہ عابد لطیف لودھی نے 74 اور کامران ریاض نے 70 نمبرز لیے۔
خیال رہے کہ اس وقت چیئرمین نیپرا محمد توصیف فاروقی ہیں جو ٹیلی کمیونیکیشن سیکٹر میں وسیع تجربہ رکھتے ہیں اور محمد توصیف فاروقی نے 5 اگست 2019 کو بطور چیئرمین نیپرا عہدے کا چارج سنبھالا تھا اور توصیف فاروقی بطور چیئرمین نیپرا 4 سالہ مدت پوری کر چکے ہیں۔
