سندھ کے ضلع بدین کے حلقہ پی ایس 70 ماتلی میں پولنگ کا وقت ختم ہوگیا۔ پولنگ اسٹیشنز کے اندر موجود شہریوں کی جانب سے ووٹ ڈالنے کا عمل مکمل ہونے کے بعد ووٹوں کی گنتی کا عمل شروع ہوچکا ہے۔
پاکستان پیپلز پارٹی کے امیدوار حاجی محمد ڈاڈا ہالیپوٹو، گرینڈ ڈیموکریٹک الائنس (جی ڈی اے) کے امیدوار شاہد ورک اور جمعیت علمائے اسلام ف کے امیدوار مولانا گل حسن کے درمیان کانٹے کا مقابلہ متوقع ہے۔
بدین کے حلقہ پی ایس 70 ماتلی کے 10 پولنگ اسٹیشنزکے غیر حتمی اور غیر سرکاری نتیجے کے مطابق پیپلز پارٹی کے امیدوار حاجی محمد ہالیپوٹو 2 ہزار 442 ووٹ لے کر آگے جبکہ جے یو آئی کے امیدوار مولانا گل حسن 307 ووٹ کے کر دوسرے نمبر پر ہیں۔
خیال رہے کہ یہ نشست پیپلز پارٹی کے رکن اسمبلی بشیر احمد کے انتقال کے بعد خالی ہوئی تھی
