ایک طبی ذرائع نے کے نیوز کو بتایا کہ پیر کی رات اور منگل کی علی الصبح غزہ کی پٹی میں متعدد اسرائیلی فضائی حملوں کے نتیجے میں خواتین اور بچوں سمیت کم از کم 110 افراد ہلاک ہوگئے ہیں۔
گزشتہ چند گھنٹوں کے دوران اسرائیل کی جانب سے شمالی غزہ کے الشاتی پناہ گزین کیمپ اور جبالیہ کے البلاد، وسطی غزہ میں البریج پناہ گزین کیمپ اور جنوب کے دو علاقوں رفح اور خان یونس پر فضائی حملے کیے گئے۔
فلسطینی خبر رساں ادارے وفا نے بھی اس خبر کی تصدیق کرتے ہوئے کہا ہے کہ سب سے زیادہ ہلاکتیں رفح میں ہوئیں جہاں 30 سے زائد افراد ہلاک ہوئے۔
طبی ذرائع نے وفا کو یہ بھی بتایا کہ خان یونس میں بچوں سمیت کم از کم 23 افراد ہلاک اور 80 سے زائد زخمی ہوئے۔ خان یونس میں بہت سے متاثرین کو الناصر اسپتال لے جایا گیا۔
الشاتی اور البریج پناہ گزین کیمپوں پر ہونے والے مختلف حملوں میں درجنوں افراد کے ہلاک ہونے کی بھی اطلاعات ہیں۔
