برطانیہ میں فضائی سفر میں خلل کئی دنوں تک جاری رہے گا: وفاقی وزیر
برطانوی وزیر ٹرانسپورٹ مارک ہارپر نے کہا ہے کہ ایئر ٹریفک کنٹرول سسٹم میں تکنیکی خرابی کے باعث ملک میں آنے اور جانے والی پروازوں میں بڑے پیمانے پر خلل کو حل کرنے میں کئی دن لگیں گے۔پیر کے روز 1500 سے زائد پروازیں منسوخ کردی گئیں جو ملک کے مصروف ترین سفری دنوں میں سے ایک ہے کیونکہ ایئر ٹریفک کنٹرولرز مینوئل سسٹم کو تبدیل کرنے پر مجبور ہوگئے تھے۔ہارپر نے مزید کہا کہ سرکاری حکام کو یقین نہیں ہے کہ تکنیکی مسئلہ سائبر حملے کا نتیجہ تھا۔
ایران کے صدر رئیسی کا جاپان سے منجمد فنڈز جاری کرنے کا مطالبہ
ایران کے صدر ابراہیم رئیسی نے جاپان پر زور دیا ہے کہ وہ امریکی پابندیوں کے درمیان تہران کے منجمد اثاثوں کو رہا کر کے واشنگٹن سے اپنی آزادی کا مظاہرہ کرے۔ایک جاپانی صحافی کی جانب سے جاپان میں بلاک کیے گئے 1.5 ارب ڈالر کے فنڈز کے بارے میں پوچھے جانے پر رئیسی نے کہا کہ ‘جاپان کو امریکہ سے آزادانہ طور پر کام کرنا چاہیے۔
بائیڈن اگلے ماہ ویتنام کا دورہ کریں گے، واشنگٹن قریبی تعلقات چاہتا ہے
امریکی صدر جو بائیڈن اگلے ماہ ویتنام کا دورہ کریں گے جہاں وہ ٹیکنالوجی اور معیشت سے لے کر علاقائی استحکام اور موسمیاتی تبدیلی تک کے امور پر اعلیٰ حکام سے ملاقاتیں کریں گے۔وائٹ ہاؤس نے بتایا کہ بائیڈن 11 ستمبر 2001 کو امریکہ پر ہونے والے حملوں کی برسی منانے الاسکا جانے سے قبل 10 ستمبر کو ہنوئی میں کمیونسٹ پارٹی کے جنرل سیکریٹری نگوین فو ٹرونگ اور ویتنام کے دیگر سرکردہ رہنماؤں سے ملاقات کریں گے۔
سوڈان کے آرمی چیف برہان جنگ کے بعد پہلے دورے پر مصر پہنچ گئے
غیر ملکی خبر رساں ادارے کے مطابق سوڈان کے آرمی چیف جنرل عبدالفتاح البرہان مصر کے ساحلی قصبے ایل الامین پہنچ گئے جہاں انہوں نے صدر عبدالفتاح السیسی سے ملاقات کی۔
15 اپریل کو نیم فوجی ریپڈ سپورٹ فورسز کے ساتھ تنازع کے آغاز کے بعد یہ پہلا موقع تھا جب برہان سوڈان چھوڑ کر گیا تھا۔مصر نے سوڈان کے متحارب دھڑوں کے درمیان ثالثی کی پیش کش کی، جس کا مقصد طویل خانہ جنگی اور انسانی بحران کو گہرا ہونے سے روکنے کے لیے بین الاقوامی کوششوں کا ایک سلسلہ تھا۔
کینیڈا نے ایران کے سابق وزیر کو عارضی رہائش دینے سے انکار کر دیا
کینیڈین امیگریشن کے وزیر مارک ملر نے ایران کے انسانی حقوق کے ریکارڈ کا حوالہ دیتے ہوئے کہا ہے کہ کینیڈا ایران کے سابق وزیر صحت حسن غازی زادہ ہاشمی کو عارضی رہائش دینے سے انکار کرے گا۔ملر نے سماجی رابطے کی ویب سائٹ ٹوئٹر پر اپنے پیغام میں کہا کہ حال ہی میں میری توجہ میں لائے گئے متعلقہ حقائق کے جائزے کی بنیاد پر میں نے آئی آر پی اے کی دفعہ 22.1 کے تحت اپنے اختیارات کا استعمال کیا ہے تاکہ سید حسن غازی زادہ ہاشمی کو زیادہ سے زیادہ 36 ماہ تک کینیڈا کا عارضی رہائشی بننے سے روکا جا سکے۔
پاکستان کی عدالت نے عمران خان کی سزا معطل کر دی
اکستان کی ایک عدالت نے سابق وزیراعظم عمران خان کے وکیل نعیم پنجوتھا نے کہا ہے کہ پاکستان کی ایک عدالت نے سابق وزیراعظم عمران خان کو بدعنوانی کے الزامات میں دی گئی سزا معطل کر دی ہے لیکن اس سے ان کی رہائی نہیں ہو سکے گی کیونکہ ایک جج نے انہیں ایک اور کیس میں حراست میں رکھنے کا حکم دیا ہے۔
70سالہ سابق کرکٹ ہیرو اپریل 2022 میں پارلیمانی اعتماد کے ووٹ میں اقتدار سے ہٹائے جانے کے بعد سے بحران زدہ جوہری ہتھیاروں سے لیس ریاست میں سیاسی ہلچل کا مرکز رہے ہیں اور گزشتہ ایک سال کے دوران پاکستان کے طاقتور جرنیلوں کے ساتھ ان کے تعلقات بری طرح خراب ہوئے ہیں۔
