تحریک انصاف کے چیئرمین و سابق وزیراعظم عمران خان نے آرٹیکل 245 کے نفاذ کو سپریم کورٹ میں چیلنج کردیا۔
درخواست میں پی ٹی آئی رہنماؤں اور کارکنوں کے خلاف آرمی ایکٹ کے تحت کارروائی بھی چیلنج کی گئی ہے۔
درخواست میں وفاق، نوازشریف، شہبازشریف، مریم نواز، آصف زرداری، بلاول بھٹو اور مولانا فضل الرحمان کو فریق بنایا گیا ہے۔
درخواست میں عدالت سے استدعا کی گئی کہ سپریم کورٹ آرٹیکل 245 کے نفاذ کوکالعدم قرار دے۔
استدعا کی گئی کہ سپریم کورٹ 9/10 مئی کے واقعات کی تحقیقات کے لیے کمیشن تشکیل دے اورایم پی او کے تحت کارکنان کی گرفتاریاں غیر آئینی قرار دی جائیں۔
