سابق وزیراعلی خیبر پختونخواہ پرویز خٹک کی نئی سیاسی جماعت کی جانب سے جاری کردہ لسٹ میں سے 7 سابق ارکان اسمبلی نے تحریک انصاف پارلیمنٹرین سے لاتعلقی کا اظہار کر دیا ہے۔
سابق وزرائے اعلی پرویز خٹک اور محمود خان نے گزشتہ روزتحریک انصاف پارلیمنٹرینر کے نام سے نئی سیاسی جماعت کا اعلان کیا تھا
پارٹی کو 57 ممبران اسمبلی کی حمایت حاصل تھی تاہم سابق وزیر غزن جمال،سابق مشیر ضیاٗ اللہ بنگش،سابق معاونین خصوصی تاج محمد ترند اور وزیر ذادہ، سابق ارکان اسمبلی اعظم خان، افتحار مشوانی اور پیر مصورنے جماعت میں شمولیت کی خبروں کی تردید کر دی ہے۔
اس حوالے سے سابق وزیر دفاع پرویز خٹک کے بیٹے اسحاق خٹک نے بھی کہا ہے کہ جاری کردہ لسٹ جعلی ہے جبکہ آئندہ اجلاس کے بعد تمام حمایتی ممبران کی لسٹ جاری کی جائے گی۔
