پشاور: خیبر پختونخوا اسمبلی کے انتخابات پر الیکشن کمیشن میں اجلاس آج ہوگا۔
ذرائع کے مطابق اجلاس میں آئی جی اور چیف سیکرٹری خیبرپختونخوا شرکت کریں گے اور صوبے میں سکیورٹی صورت حال کا جائزہ لیا جائے گا۔
گورنر خیبر پختونخوا حاجی غلام علی نے صوبے میں ضمنی انتخابات کے لیے 28 مئی کی تاریخ دے رکھی ہے۔
گزشتہ روز گورنر خیبر پختونخوا غلام علی نے دعویٰ کیا ہے کہ عمران خان کی رہائش گاہ زمان پارک سے پاکستان تحریک انصاف (پی ٹی آئی) کے ایم این ایز نے رابطے کیے ہیں کہ الگ الیکشن نہ کروائیں۔
غلام علی نے کہا کہ پی ٹی آئی ارکان کو یہ بات عمران خان سے کہنے کا مشورہ دیا ہے، تمام سیاسی جماعتیں الگ الگ انتخابات نہیں چاہتیں، اگر الگ الگ انتخابات ہوئے تو ہر سال پھر اسی طرح ہو گا۔
