آئی سی سی ون ڈے ورلڈکپ کے 14ویں میچ میں سری لنکا نے آسٹریلیا کے خلاف ٹاس جیت کر پہلے بیٹنگ کا فیصلہ کیا ہے۔
یہ میچ بھارتی شہر لکھنؤ کے اکانا کرکٹ اسٹیڈیم میں کھیلا جارہا ہے جہاں دونوں ٹیمیں جیت کے لیے زور آزمائی کریں گی۔
ٹورنامنٹ میں سری لنکا اور آسٹریلیا دونوں کا یہ تیسرا میچ ہے، دونوں ٹیمیں اپنے ابتدائی دو میچز میں شکست کا سامنا کرچکی ہیں۔
پوائنٹس ٹیبل پر اس وقت سری لنکا آٹھویں اور آسٹریلیا دسویں نمبر پر ہے۔
