اسلام آباد: وفاقی وزیر اطلاعات مریم اورنگزیب نے عمران خان کی عدالت میں پیشی پر بات کرتے ہوئے کہا ہے کہ دہشتگرد چھپ کر ہی عدالت آتے ہیں وہ وقت دور نہیں جب منہ چھپا کر آنا پڑے گا۔
ایک بیان میں مریم اورنگزیب نے عمران خان کو مخاطب کرتے ہوئے کہا کہ کیا پولیس اہلکاروں کے سر توڑنے، پیٹرول بم پھینکنے، مسلح جتھوں سےحملہ آور ہونے کے بعد آپ کی اہلیہ ڈرگئیں؟
انہوں نے مزید کہا کہ مریم نواز کے نیب سیل میں کیمرہ لگا کر اپنے موبائل پر دیکھتے تھے، اس وقت شرم اور حیا تھی؟ کیا عمران خان کو مریم نواز کے بیڈروم میں رات کو گھسنے کا آرڈر دیتے شرم آتی تھی؟
انہوں نے عمران خان کو جواب دیتے ہوئے مزید سوال اٹھائے کہ پنکی باجی کو ہیرے، انگوٹھیاں لیتے ڈر لگا اور چیخیں نکلتی تھیں؟
