ایک تعیناتی سب پر بھاری، نواز نے جتنے لوگوں کوتعینات کیا، سب سے پھڈا کیا، شیخ رشید

عوامی مسلم لیگ کے سربراہ اور سابق وزیر داخلہ شیخ رشید نے کہا ہے کہ ایک تعیناتی سب پر بھاری ہے، نواز شریف نے جتنے لوگوں کوتعینات کیا، ان سب سے پھڈا کیا۔

ٹوئر پر جاری اپنے بیان میں مسلم لیگ (ن) کے رہنماؤں پر تنقید کرتے ہوئے انہوں نے کہا کہ بے اختیار شہباز شریف جاتے شرم الشیخ ہیں اور حسب معمول نکلتے لندن میں ہیں، ایک تعیناتی سب پر بھاری ہے، نواز شریف نے جتنے لوگوں کوتعینات کیا، ان سب سے پھڈا کیا۔

سابق وزیر داخلہ نے کہا کہ نوازشریف،آصف زرداری اور فضل الرحمن کومایوسی ہوگی، فیصلہ میرٹ پر ہوگا اور الیکشن ہوں گے۔

شیخ رشید نے کہا کہ لانگ مارچ کا تاریخی فیصلہ کن پڑاؤ راولپنڈی میں ہوگا، اسلام آباد صرف 13 ربڑ اسٹمپ پارٹیوں کا نہیں، ہمارا بھی ہے۔