سابق صدر آصف علی زرداری سے گورنر سندھ کامران خان ٹیسوری نے بلاول ہاؤس میں ملاقات کی جہاں صوبے میں تریقاتی منصوبوں پر تبادلہ خیال کیا گیا۔
گورنر ہاؤس سے جاری ہونے والے مختصر بیان میں کہا گیا کہ گورنر سندھ نے سابق صدر کی خیریت دریافت کی۔
بیان میں مزید بتایا گیا کہ ملاقات کے دوران ملک کی مجموعی سیاسی صورتحال، صوبے کو درپیش مسائل، سیلاب سے متاثرہ افراد کی بحالی کے اقدامات اور کراچی کے ترقیاتی منصوبوں پر تبادلہ خیال کیا گیا۔
آصف علی زرداری کی جانب سے گورنر سندھ کے لیے نیک خواہشات کا اظہار بھی کیا گیا۔
