آرمی چیف جنرل سید عاصم منیر نے کہا ہے کہ پاک فوج کی پیشہ ورانہ مہارت اور قیادت کا معیار دنیا کی کسی بھی جدید فوج کے مقابلے میں بہترین ہے۔
کثیر الملکی اسپیشل فورسز کی مشترکہ مشق ’’ایٹرنل برادر ہڈ دوم‘‘ کی افتتاحی تقریب میں شرکت کے موقع پر آرمی چیف نے کہا کہ جونیئر لیڈرز روایتی اور غیر روایتی جنگ میں کامیابی سے کلیدی کردار ادا کر رہے ہیں۔
آئی ایس پی آر کے مطابق اس موقع پر آرمی چیف جنرل سیدعاصم منیر نے بروتھا گیریژن اور جونیئر لیڈر شپ اکیڈمی (شنکیاری) کا بھی دورہ کیا۔
آئی ایس پی آر کے مطابق کثیر الملکی اسپیشل فورسز کی مشترکہ مشق ’’ایٹرنل برادر ہڈ دوم‘‘ میں پاکستان، قازقستان، قطر، ترکیہ اورازبکستان کے فوجی دستے حصہ لے رہے ہیں۔
